Fjárfestum í ferðaþjónustu

Ferðaþjónusta hefur sýnt það og sannað á undanförnum árum að hún er ein mikilvægasta atvinnugrein okkar Íslendinga og hefur stækkað jafnt og þétt á undanförnum árum. Fyrir 10 árum komu hingað til lands í kringum 200 þúsund ferðamenn en á síðasta ári voru þeir yfir 500 þúsund.

Í þeim tilvikum sem ferðaþjónustan og ríkið hafa farið í átaksverkefni í markaðssetningu á Íslandi og íslenskri ferðaþjónustu hefur komið kippur í komu erlendra ferðamanna til landsins. Það hefur skapað fjölda starfa og miklar gjaldeyristekjur.  Af þessu sést að öflug markaðssetning og uppbygging innviða ferðaþjónustunnar skilar miklu fyrir land og þjóð.

Ein auðveldasta leiðin til þess að efla atvinnulíf á Íslandi og til þess að auka gjaldeyrisflæði til landsins er að efla markaðssetningu í ferðaþjónustu bæði í Ameríku og Evrópu. Í ljósi þess að ríkið er að fara eyða miklum fjármunum til atvinnusköpunar er nærtækt að auka fjármuni til landkynningarverkefna. Það er fjárfesting sem kemur hratt til baka.

Athugasemdir

[Kjartan Pétur Sigurðsson, 9.3.2009 kl. 08:18]

Mikið er ég þér sammála. Ég kom með tillögu varðandi EXPO 2010 verkefnið að kynna Ísland sem ferðamannaparadís á einfaldan og ódýran máta.

Nú þegar mannorð íslendinga er í rúst á nánast öllum sviðum fjármála, að þá stendur Islensk náttúra alltaf fyrir sínu. Þetta er ódýr leið og skapar fullt af gjaldeyrir.

Hér má sjá nánar hugmynd að útfærslu:

http://photo.blog.is/blog/photo/entry/787186/S

Fróðlegt væri að vita hvar EXPO2010 verkefnið stendur núna og hvaða stefna hafi verið tekin í því máli fyrir Íslands hönd:

[Gullvagninn (IP-tala skráð) 9.3.2009 kl. 08:54]

síðustu ár hafa verið góðærisár í heiminum.  næstu ár verða ár kreppu sem jafnast á við the great depression, eða stóru kreppuna.  Það má jafnvel færa líkur að því að þessi verði verri, a.m.k. í Bandaríkjunum, þar sem 90% búa nú í borgum, en 90% bjuggu áður í sveitum og voru að mestu sjálfu sér nóg með mat.

ég hvet bændur til að huga að meiri framleiðslu, ekki endilega til að græða á þvi, heldur til að bjarga okkur úr þrengingum framundan.