Tár í tómið

Það fór kaldur hrollur niður bakið á mér í gær þegar ég heyrði fréttir af því að enn eitt slysið hefði orðið á Reykjanesbrautinni og að þrír lægju á gjörgæslu. Enn eitt óþarfa slysið var staðreynd. Ég hef á þessari síðu vakið athygli á því hversu alvarlegt það er að slá slöku við þegar kemur að forvörnum gegn slysum. Pistillinn heitir "Engin slys takk" og var skrifaður 12. mars. Ég hef einnig skrifað blaðagrein um sama efni sem birtist í einu af dagblöðum landsins.

Í byrjun febrúar flutti ég þingsályktunartillögu sem miðaði að því að hið opinbera sýndi gott fordæmi í þessum efnum og setti ströng skilyrði í öryggismálum í sinni mannvirkjagerð ekki síst vegaframkvæmdum. Í umræðunni á Alþingi sagði ég meðal annars:

"Það á að vera réttur okkar allra að geta snúið heil heim að vinnudegi loknum og það á að vera réttur okkar allra að geta treyst því að fyllsta öryggis sé alls staðar gætt við framkvæmdir. Ég neita því ekki að þegar maður hefur horft upp á ýmsar vegaframkvæmdir að undanförnu og ítrekað hefur verið bent á t.d. vegaframkvæmdir við Reykjanesbraut og einnig ýmsar aðrar vegaframkvæmdir, bæði á Vesturlandi og Norðurlandi, þá finnst manni alveg með hreinum ólíkindum hvernig merkingar eru og það er verið að bjóða hættunni heim í mörgum þessara framkvæmda".

 Og enn berast fréttir af slysum af þessum sama vegakafla og ég var að vitna til. Ótrúlegt.

http://www.althingi.is/altext/135/s/0375.html

Athugasemdir

[Bjarni Kjartansson, 10.4.2008 kl. 15:48]

ÞEtta dugir ekki.

Þið ,,kjörnir fulltrúar" okkar hér á SV horninu hafið staðið ykkur skelfilega í fjárveitingum til eðlilegra framkvæmda hér.

Þið hafi lyppast niður sem tusku...... við minnsta mótlæti.

Flutningur flugsins sem dæmi.  Þið í ,,Kraganum" ætlið íbúum Kópavogs, að vera áfram í stórhættu við flugtök til Suðurs en allir vita, að hálsinn er ,,þröskuldur" og skýrgreindur sem slíkur.

Þið að horfa út um glugga bíla ykkar á leið ykkar á vinnustað en að líkum verðið þið fyrir töfum við að þurfa að fara inn á Hringbraut af Kringlummýrarbraut, leið sem ekki þyrfti að fara, færi flugvöllurinn og eðlilegt umferðamynstur gæti komi aftur á nesið en eins og allir vita eyðilögðu innrásarherir Breta þessar leiðir við lagningu flugvallarins.

Svo að ekki sé talað um vegaómyndina við Rauðavatn.  Á hvaða lyfjum eruð þið?

Hann Geir Hallgrímsson var þó það framsýnn, að láta bygga tvöfalda brú upp að Hádegismóum en Alþingi hefur foraktað þá framkvæmd og aumingjavæðingin er alger. þarna er fjölfarnasta leiðin út frá Rvík ef frá er talin spottinn upp í Mosó.

ÞArna er allt steinastopp þegar föstudagur rennur í garð og vinnu lýkur, allir að fara í bústað. 

Síðan stoppar allt á sunnudögum á sama svæði, þar sem ljósastýrð gatnamót eru á leiðinni að Kópavogi um Breiðholt, í stað þess, að setja undirgöng mega vera tiltölulega lág, undir aðal æðarnar.

Nei minn kæri, þingsályktunartillögur lykta af undanskotum á ábyrgð.

Miðbæjaríhaldið

[Ármann Kr. Ólafsson, 10.4.2008 kl. 17:26]

Bjarni nálgast mál alltaf með jákvæðum og málefnalegum hætti með sól í hjarta og sól í sinni.

[Gísli Sigurðsson, 10.4.2008 kl. 18:25]

Ármann, ég lít á þessi merkingarmál á Reykjanesbrautinni og annarsstaðar sem framkvæmdir standa yfir þannig að í fyrsta lagi þurfa þær að byrja í góðri fjarlægð frá framkvæmdastað. Í öðru lagi þarf að fara eftir leiðbeiningum þ.e. lækka hraðann, en það er nú meinið, menn hægja ekki á sér á þessum köflum á brautinni. Það hef ég margoft upplifað, maður er logandi hræddur um að fá einhvern aftan á sig þegar maður slær af niður í þennan uppgefna hraða sem maður á að halda sig á á þessum stöðum. Ég er nú ekki sérfróður um þessi mál en mér finnst ótrúlegt að keyri fólk á 50 km/klst eins og farið er fram á þarna á framkvæmdastað, að það leiði til slíkra stórmeiðsla lendi maður í árekstri.

[Bjarni Kjartansson, 10.4.2008 kl. 20:20]

Jú jú það geri ég ætíð.  ÞAð er til dæmis alveg fullkomlega málefnalegt, að segja frá því, hvernig menn hér á SV horninu hafa verið sviknir æ ofan í æ kosningar eftir kosningar um vegabætur.

Ég gæti ritað langa langa skýrslu þar um og það veist þú afar vel.

Ekkert hefur verið gert í tengingum, löngu löngu tímabærum, austur fyrir fjall.  Allt þrátt fyrir framsýni Geirs Hallgrímssonar.  (þú getur kíkt á vegabrúnna við Hádegismóa og vegstæðið sem gert var þar.

Ekkert framkvæmt þar síðan um 1980.

Það er einfaldlega að verða afar erfitt að vera þessi jákvæða týpa, sem ég er í verunni, þv´iþið eruð liðónýtir við vegabætur þarna niðri á Alþingi.

Miðbæjaríhaldið

alias

Bjarni Kjartansson

[Þráinn Maríus (IP-tala skráð) 10.4.2008 kl. 21:55]

Það eru ekki bara merkingarmálin sem þarf að laga!!! Fólk þarf að "laga til" í hausnum á sér.

Ég fer Reykjanesbrautina nokkuð oft þegar ég er í fríi og hef tekið þá stefnu að keyra "bara" á hámark 90 og stundum hægar(fer eftir aðstæðum)og hef haft það stundum á tilfininguni að ég sé fyrir,  því hraðin er mjög mikil!! og þegar minni flutningabílar svífa framúr manni þá er manni ekki sama

Svo ertu hissa á að það verði slys!!!!  

[haraldurhar, 10.4.2008 kl. 22:37]

   Ármann tel væri nú meiri mannsbragur á þér, ef þú læsir aftur ábendingarnar frá Bjarna, sem ég tek heilshugar undir, og  færðir þig upp á svolítið hærra plan varðandi vegaframkvæmdir í kjördæminu, hér duga ekki smáskammtalækningar.

[Ármann Kr. Ólafsson, 11.4.2008 kl. 08:40]

Sæll Þráinn, einhver misskilningur varðandi síðasta blogg. Ég er ekki hissa á því að það verði slys við slæmar aðstæður. Ég er hissa á því að ekki skuli vera staðið betur að merkingum og forvörnum gegn slysum en fyrir því hef ég verið að tala.

Haraldurhar, ef þér finnst það að vera á háu plani að tala um að þingmenn sem aumingja á lyfjum þá erum við bara ekki á sömu bylgjulengd. Mér finnst eðlilegt að aðilar sem þiggja heimboð bloggara sýni kurteisi. Það er ekki af ástæðulausu að margir þeirra hafa skellt í lás.