Átta starfsmenn Landspítala ávítaðir

Ofangreind fyrirsögn var fyrirsögn í Fréttablaðinu 29. apríl. Það hefur komið á óvart hversu litla umfjöllun þetta mál hefur fengið. Ástæða áminninganna var sú að rannsókn innan LSH leiddi í ljós að tugur starfsmanna hafði skoðað sjúkraskrá þekkts manns sem þar hafði leitað lækninga.

Tveir starfsmenn gátu sýnt fram á að þeir höfðu gildar ástæður fyrir að skoða gögn um manninn en átta starfsmenn hafi gert það af hnýsni einni saman.

Hvernig hefði umfjöllunin orðið ef þetta hefði gerst í hjá einkaaðilum? Hvað hefði Ögmundur Jónasson sagt ef þetta hefði gerst í einkafyrirtæki?

Athugasemdir

[Predikarinn - Cacoethes scribendi , 6.5.2008 kl. 01:17]

Heyr heyr. EKki að furða þó Ögmundur þegi þunnu hljóði. S'a hefði farið mikinn eins og þú bendir réttilega á hefði þarna verið spítalinn ehf. í eigu nokkurra einstaklinga.

[Jóhann Hannó Jóhannsson, 6.5.2008 kl. 09:16]

Það hefur líka vakið furðu mína hve umfjöllun um þetta mál er og hefur verið lítil (engin). Ætli Ömmi hefði ekki tekið heljarstökk ef þetta hefði verið í einkafyrirtæki og væntanlega kennt einkarekstrinum um.  Hvar gerðist þetta?

[Dögg Pálsdóttir, 6.5.2008 kl. 10:40]

Tek undir hvert orð. Já, það er svo sannarlega merkilegt hvað VG eru "selektivir" í því sem þeir kjósa að taka upp. Þetta mál er grafalvarlegt og hefur alls ekki fengið nægilega umfjöllun.

[Júlíus Valsson, 6.5.2008 kl. 11:53]

Þetta hefur þá verið eins konar "ríkis-hnýsni".

[Heimir Hannesson (IP-tala skráð) 6.5.2008 kl. 20:46]

Heyr heyr ! Þessi ást tiltekinna manna við ríkisrekstur, og andúð við framtak einstaklingsins er gjörsamlega óþolandi !

[jensen (IP-tala skráð) 6.5.2008 kl. 21:42]

Klúðurslega uppsett hjá þér Ármann,og útí hvað ertu spældur.?

[Sigurður Þorsteinsson, 6.5.2008 kl. 22:22]

Vissulega þörf ábening. Sjúklingar verða að geta treyst því að upplýsingar um þá sé trúnaðarmál.

[jensen (IP-tala skráð) 7.5.2008 kl. 09:46]

Er Ögmundur vandamál þitt Ármann.?Einokun á heilbrigðiskerfinu er varasöm,en það mun gerast ef einkageirinn fer að krafla mikið í það,en að sjálfsögðu er þetta grafalvarlegt mál þarna hnýsni starfsmanna LSH í gögn þessa manns.

[Ármann Kr. Ólafsson, 7.5.2008 kl. 10:59]

Spurt er hvort Ögmundur sé mitt vandamál? Svo er alls ekki, mér þykir í raun sérstaklega mikilvægt að hafa mann eins og hann með mér á þingi því hann undirstrikar betur en nokkur annar hugmyndafræðilegan mismun á milli Vg og Sjálfstæðisflokksins. Það er kannski þess vegna sem maður gerir hann að holdgerving vinstri hugsjóna en ég tel að honum finnist það bara af hinu góða. Ögmundur kemur alltaf til dyranna eins og hann er klæddur, þar liggur hans styrkur og kannski er það þess vegna sem er svo gott að vinna með honum en við erum báðir í Félags og tryggingamálanefnd.