Tók Mogginn skortstöðu í íslensku bönkunum?

Er nema von að maður spyrji sig að ofangreindu miðað við áherslurnar sem fram koma hjá blaðinu. (Með skortstöðu hagnast viðkomandi á lækkunum) 

Á forsíðu Moggans á þriðjudaginn í siðustu viku var flennistór aðalfyrirsögn þar sem stóð "Bankaáhlaup hafið? Bandarískur hagfræðiprófessor segir litlar líkur á að bankarnir komist hjá áhlaupi".

Í dag var svo önnur frétt um bankana og var fyrirsögnin "Bankarnir inn úr kuldanum". Er þar verið að vitna í fyrirsögn Financial Times. 

Svolítið merkilegt að þessi frétt skildi ekki einu sinni fá að birtast sem aukafyrirsögn á forsíðunni án þess að ég vilji gera lítið úr grænmetisfréttinni sem þar var. Ekki fékk hún heldur pláss á innsíðunni, heldur var hún birt á síðu 13.

Er jafnvægi í þessum fréttaflutningi? Ég veit það ekki!

Athugasemdir

[Benedikt Sigurðarson, 13.5.2008 kl. 17:43]

Það er von þú spyrjir . . .

Fyrir hvern er skrifað í Moggann þegar hann er í þessum hamnum - - eins og nokkur undanfarin missirin?  

Þórðargleði er hugtak sem ekki verður til framdráttar til lengdar - - og svo er sú kenning til "að betri sé hálfur skaði en enginn" -  amk. ef það eru óvinir manns sem verða fyrir honum

[Sigurgeir Orri Sigurgeirsson (IP-tala skráð) 14.5.2008 kl. 09:57]

Svarið er einfalt: Nei.

[Sigurgeir Orri Sigurgeirsson, 15.5.2008 kl. 20:42]

Fjármálakerfi Íslands fór víst á hliðina og úrvalsvísitalan hrundi vegna þess að túlka mátti síðustu athugasemd mína á tvo vegu. Svo það sé alveg á hreinu þá meinti ég að það sé EKKI jafnvægi í fréttaflutningi Moggans af bönkunum.