Til hamingju Jakob Frímann

24 Stundir réðust að Jakobi Frímanni í dag. Mér finnst augljóst að einhver lausatök séu á ritstjórninni um þessar mundir þegar einn besti blaðamaður landsins Ólafur Þ. Stephensen er að færa sig yfir á Morgunblaðið. Persónuleg árás af þessum toga hefði ekki verið liðin undir stjórn Ólafs, ritstjórans sem gerði Blaðið að virtu dagblaði.  

Jakob hefur eins og allir vita marga fjöruna sopið og oft lagt allt sitt undir til þess að þjóna listagyðjunni-, ást sinni á tónlist, leik- og kvikmyndalist. Svo þegar Stuðmaðurinn lendir í því að fá tekjur umfram það sem hann hafði reiknað með þá virðist hlakka í mönnum yfir því að hann nær ekki að greiða skatta á tilsettum tíma. 

Sjálfur gleðst ég alltaf yfir því að greiða skatta eftirá. Ástæðan er sú að þær greiðslur undirstrika að vel hefur gengið það árið. Til hamingju Jakob með það hversu vel þér gekk á skattaárinu mikla. Ég veit að það sama mun gilda í nýju starfi og þú munt eiga stóran þátt í að bæta ímynd Reykjavíkur.

Athugasemdir

[Númi (IP-tala skráð) 24.5.2008 kl. 00:29]

Hvernig stóð Jakob sig sem skemmtanastjóri Íslands í London,man nokkur eftir stór sigrum þar?.Líklegast var magabumbuslátturinn eina minnisstæða atriðið sem hægt er að muna eftir.Að mínu mati mætti gera úttekt á því hvernig og fyrir hverju hann Jakob stóð þarna fyrir,ef það var ekki bara eftirlitslaus fjáraustur sem hann stóð fyrir.Allavega man Númi ekki eftir neinu merkilegu sem Jakob stóð fyrir í London.

[Halla Rut , 24.5.2008 kl. 01:35]

Sammála. Hans einkamál sem engum kemur við.

[Sigurður Þorsteinsson, 24.5.2008 kl. 08:10]

Sæll Ármann ég tek undir hvert orð sem þú skrifar hér. Þessi umræða um Jakob Frímann finnst mér á því plani sem skaðar pólitíska umræðu hvað mest.

[Haffi, 24.5.2008 kl. 08:50]

Jakob, fór þó varla með rétt mál er hann sagðist hafa samið um skattaskuldirnar, þvi ekki er hægt að semja um greiðslu á þeim skuldum, -óumsemjanlegar skuldir. Hann hefur kannski fengið frest hjá sýslumanni á uppboði með þvi skilyrði að greiða skuldina. Svo verður hann bara að vona að önnur embætti sem eru sjálfstæð taki málið ekki lika að sér, t.d Efnahagsbrotadeild lögreglu, RSK og SRS.

Annars er mar sammála þér manni ber að greiða sína skatta, þó svo manni finnast þeir stundum frekar háir en mar veit lika að það kostar sitt að reka þetta samfélag.

[IG (IP-tala skráð) 24.5.2008 kl. 10:07]

Það er bara einn hópur af mönnum og konum sem eru yfirmáta kærulaus með skattfé og það eru þingmenn þessarar þjóðar. Það talar enginn orðið máli skattgreiðenda inn á þingi þeir eru allir svo uppteknir við að hrifsa til sín eins mikið og þeir geta og dæla í sín kjördæmi...

[Sigurður Þórðarson, 24.5.2008 kl. 17:50]

24 stundir eru búnar að vera í virkri stjórnarandstöðu í Reykjavíkurborg frá því að Ólafur varð borgarstjóri, þess vegna velti ég fyrir mér hver hafi skrifað Staksteina í dag.