Ingibjörg Sólrún vinnur gegn ESB umsókn

Ingibjörg Sólrún Gísladóttir hefur vægast sagt átt furðuleg útspil í Evrópusambandsumræðunni eftir að Sjálfstæðisflokkurinn setti af stað Evrópunefnd sína og flýtti landsfundi til 29. janúar nk. Halda mætti að formaður Samfylkingarinnar væri helsti andstæðingur inngöngu í sambandið. Stjórnmálamaður með jafnmikla reynslu og Ingibjörg veit að það er ekki pólitískum úrlausnarefnum til framdráttar að stilla samstarfsaðilum upp við vegg og er síst til þess fallið að koma málefnum í jákvæðan farveg. 

Það er rökrétt að draga þá ályktun af ýmsum ummælum Ingibjargar Sólrúnar að formaður Samfylkingarinnar vilji ekki að Sjálfstæðisflokkurinn nái samstöðu á landsfundinum um það hvernig staðið skuli að viðræðum um aðild að Evrópusambandinu. Það er merkilegt fyrir þær sakir að það er eina hugsanlega leiðin til þess að málið komist á dagskrá við núverandi aðstæður. Eftir stendur því spurningin um það hvers vegna formaðurinn gerir allt til þess að standa í vegi fyrir málinu. Hefur Ingibjörg eitthvert annað markmið en það sem fram kemur á yfirborðinu? Ef svo er þá sjá landsmenn allir að erfitt er að halda saman ríkisstjórn á slíkum forsendum. Heilindi eru forsenda farsæls samstarfs. 

Athugasemdir

[óli (IP-tala skráð) 4.1.2009 kl. 16:10]

Talaðu skírar maður. Hvað ertu að tala um? Hvað sagði hún eða sagði ekki? Ekki tala eh dulmál,vitnaðu í eitthvað.

[Þór Gunnlaugsson (IP-tala skráð) 4.1.2009 kl. 16:35]

Sæll Ármann og gleðilegt ár.

Ég verð bara að viðurkenna það fúslega að brotthvarf mitt frá Sjálfstæðisflokknum eftir rúma 40 ára sambúð var ekki auðveld en ég mun aldrei geta fallist á að minn formaður segi þjóðinni ósatt slag í slag í aðdraganda bankahrunsins í viðtölum við fjölmiðla að alvanalegt sé að hitta bankamenn í skjóli nætur og um helgar í stjórnarráðinu og ekker sé um að verra"allt í guddy"en síðan algert hrun.  Hann þarf einnig að skýra þjóðinni hvað gerðist á bak við tjöldin við að vísa úr húsi einum færasta manni í viðskiptalífinu sem hann sjálfur réði . Við höfum alltaf getað treyst á formann okkar að koma heiðarlega fram og vera sannsögull í stað þess eins og nú er að þjóðin sé um það bil að gera uppreisn.  Mig langar ekki að upplifa aftur þorláksmessuslaginn 1968 en það er stutt í að það verði. GHH hefur ekkert umboð frá miðstjórn til þess einu sinni að segja að stefnt skuli að því að skipta um minnt og minnka spennuna á gengi krónunnar á meðan hún lafir inni en Ingibjörg hefur alla ásana á einni hendi.

Mér er það ljóst að það mun taka flokkinn mörg ár að vinna aftur traust þjóðarinnar´og á meðan verður hún í aftursætinu og VG í því fremra enda munu þeir fá yfirburða kosningu næst sem verður að vera í lok janúar 2009 ef ekki á að skapa hér uppreisn.

[Ármann Kr. Ólafsson, 4.1.2009 kl. 16:45]

Ég hélt að það væri ljóst að ég væri að m.a. að vísa til þeirra ummæla að stjórnarsamstarfinu yrði sjálfhætt ef ekki yrði ákveðið í byrjun þessa árs að sækja um aðild að Evrópusambandinu og svo aftur að ef kosið yrði um það hvort fara ætti í aðildarviðræður þá kallaði það á Alþingiskosningar um leið.

[Bjarni Harðarson, 4.1.2009 kl. 18:27]

Það er rökrétt að draga þá ályktun af ýmsum ummælum Ingibjargar Sólrúnar að formaður Samfylkingarinnar vilji ekki að Sjálfstæðisflokkurinn nái samstöðu á landsfundinum um það hvernig staðið skuli að viðræðum um aðild að Evrópusambandinu.

Það kann vel að vera að ISG vilji helst losna úr stjórnarsamstarfinu með ykkur en talandi um heilindi kæri Ármann. Hvernig geta það verið heilindi að þingflokkur sem stóð næstum órofa í andstöðu við ESB aðild sé nú farinn að tala um að ná samstöðu um það hvernig staðið skuli að aðildarviðræðum...

Kær kveðja

-b.

[Kristján Sigurðsson (IP-tala skráð) 4.1.2009 kl. 18:32]

Sæll Ármann

Ég get ekki skilið þessi ummæli(Ingibjargar) sem þú vitnar í (til að útskíra ályktun þína) á annan hátt en þann að þau vísi annarísvegar í austur og hinsvegar í vestur.  Er það  það einkennilega í málinu að utanríkisráðherra og formaður Samfylkingarinnar geti ekki talað skíru máli þannig að skilja megi hver stefnan flokksins er?  Þessi ályktun þín tel ég vera oftúlkun og jaðri við dylgjur.  Formaður Samfylkingarinnar verður sjálf að skíra orð sín fyrir kjósendum.  Það er ekki þitt að vinna það verk.  Samskonar oftúlkun á orðum annarra í samstarfsflokknum er ekki einsdæmi samanber skrif Dómsmálaráðherra nú síðast.

Mér er það óskiljanlegt hvernig svona skrif eiga að vera til þess fallin að hjálpa Íslendingum út úr þeim þrengingum sem nú steðja að.  Vil ég því biðja þig að  beita þér á jákvæðan hátt í þínu pólitíska starfi og ekki falla í sama farveg og aðrir eldri flokksfélagar okkar sem eiga erfitt með að slíta sig út úr kaldastríðshugsanaganginum.

Lifðu hill

[Þorgeir (IP-tala skráð) 5.1.2009 kl. 07:32]

Sæll Ármann!

Vertu nú hvetjandi í þínum flokk. Innskotið frá Ingibjörgu var pólítískt rétt. Við kjósendur eigum rétt á því að sjá hreina stefnu sem getur leitt til niðurstöðu en ekki margslungið ferli sem getur endalaust seinkað ákvörðun. Kv. ÞÞ