Úflutningur bíla er ekki síst fjölskyldumál

Við þær aðstæður sem við Íslendingar stöndum frammi fyrir um þessar mundir er mikilvægt að stjórnvöld bregðist hratt við með það að markmiði að einstaklingar og fyrirtæki nái vopnum sínum sem fyrst á ný. Í þessu samhengi er mikilvægt að grípa til aðgerða sem miða af því að bjarga sem mestum verðmætum og auðvelda öllum eins og mögulegt er að standa við skuldbindingar sínar.

Eitt þeirra mála sem nú er unnið að, og kemur vonandi fljót til meðferðar hjá Alþingi,  eru breytingar á lögum og reglum hins opinbera sem snúa að útflutningi notaðra bifreiða úr landi. Breytingin felst í því að við útflutning eru virðisaukaskattur og innflutningsgjöld endurgreidd að hluta í þeim tilgangi að örva sölu á erlenda markaði.

 Undanfarin ár hefur innflutningur nýrra og notaðra bíla verið gífurlega mikill og er nú svo komið að það eru fleiri bílar en ökuskírteini í landinu. Við blasa breiður af bílum bæði nýjum og notuðum sem bíða þess að öðlast hlutverk. Í ljósi ástandsins núna er ljóst að þeir fá ekki hlutverk hér á landi og því verður að koma þeim á annan markað ef flotinn á ekki að grotna niður með tilheyrandi afskriftum. Ljóst er að um mikil verðmæti er að ræða því samkvæmt upplýsingum frá Bílgreinasambandinu er áætlað að það séu í kringum 10 þúsund óseldar bifreiðar í landinu.

Þessi mikli umframfloti kemur ekki bara niður á afkomu bílaumboðanna eins og stundum mætti ætla af umræðunni. Hér er um eina samhangandi keðja að ræða. Bílaumboðin hafa vissulega hagsmuna að gæta en það sama má segja um fjármögnunarfyrirtækin, bílaleigurnar og síðast en ekki síst fjölskyldurnar í landinu sem geta  létt verulega á fjárhag sínum með því að selja t.d. annan bílinn.

Til skamms tíma hefur endurgreiðslan talsverðan kostnað í för með sér, en um leið flýtir hún því að eðlilegur innflutningur á bílum hefjist á ný með tilheyrandi tekjuauka. Þá gefur þetta ákveðið tækifæri til þess að endurskilgreina þann bílaflota sem við viljum að sé í landinu. Því jafnvel þótt það sé ekki í anda Sjálfstæðisflokksins að neyslustýra þegnunum þá held ég að við getum verið sammála um að það kerfi sem við höfum búið við hefur að mörgu leyti verið óskynsamlegt. Birtingarmynd óskinseminnar kom mjög sterkt fram við gríðarlegan innflutning á eyðslufrekum pallbílum frá Bandaríkjunum. Þeir báru lægri aðflutningsgjöld en hefðbundnir fólksbílar í skjóli þess að um atvinnutæki var að ræða. Engu að síður var öllum ljóst að þeir voru fluttir inn í gífurlegu magni til einkanota. Ný staða í efnahagsmálum þjóðarinnar gefur okkur tækifæri til þess að endurskoða bílainnflutning til Íslands frá grunni. Ég sé fyrir mér að í framtíðinni verði ýtt undir betur samsettan bílaflota landsmanna þar sem umferðar- og öryggismál munu hafa mun meira vægi en nú er.

Athugasemdir

[dj (IP-tala skráð) 1.11.2008 kl. 18:54]

Þið ættuð að skoða gífulegan innflutningur á lúxusbílum og hve mikill gjaldeyri hefur verið bruðlað í þessháttar snobb.  Bílar sem kosta 12-20 miljónir. Hvaða vit er í því. Bæði er þetta alltof mikill kostnaður fyrir þjóðfélagið fyrir hvern bíl og annað að trynningarfélög er að fara mjög illa út úr því að vera bótaskylt á þessháttar bílum. Einn hliðarspegill kostar kannski álíla mikið og lítll fólskbíll. Þetta er ruglið sem minnka  og það með því að setja LUXUS toll á svona bíla. s.s. lúsuxtoll á alla bíla yfir 4 milj. Almenningur kaupir ekki bíl yfir 4 miljónir það eru bara "sjáðu mig ér er ógeðsla rikur liðið". Því þeir sem eru hvort eð er að kaupa þessa dýru eyðslufreka bíla skiptir það örugglega ekki máli hvort bíllinn kostar 10 eða 20 miljónir því þeir eru svo rosalega ríkir/rík.  Hugsa að heppilegast væri að setja luxustolla á allan óþarfa og snobb. T.d. húsnæði sem kostar yfir 50 miljónir setja snobb toll á það.  En núna eru þeir sem voru að kaupa alla Range Roverna kannski búnir að tapa öllum loftbólu peningunum þannig að þetta þarf þá að hafa í huga næst þegar þenslan fer af stað hjá snobbliðinu.

Annað sem þið ættuð að athuga er að aðstoða bólk í að selja bíla út og í staðinn að það seú keyptir rafmangsbílar til landsins. Það er hagstæðast fyrir þjóðina og fólkið.   

[Hafþór (IP-tala skráð) 2.11.2008 kl. 03:42]

Ég hef lesið nokkuð af skrifum þínum á þessa síðu gegnum tengla af mbl.is og þarf alltaf að minna mig á það að þú sért á þingi fyrir sjálfstæðisflokkinn.  Ég er yfirleitt mjög sammála skoðunum þínum, en ég efast stórlega um að þú sért í réttum flokki.  Væri ekki lag að skipta um flokk fyrir næstu alþingiskosningar :)

[Herdís Sigurjónsdóttir, 2.11.2008 kl. 11:41]

Ég er sammála þér með að leita leiða til að vinda ofan af þessu Ármann, kerfið í dag er eins og einstreymisloki og eins þarf að hvetja til umhverfisvænna kosta.

[Jberg (IP-tala skráð) 2.11.2008 kl. 14:03]

Sæll Ármann:

Það er þarft verk að búa til umhverfi til að flytja bíla út, enn mikið er ég hræddur um að kerfið snúist upp í andstæði sína þegar á að fara í frammkvændina það er ef á að greða til baka eftir eldri tollskýrslum þá er spurt hver á að vinna verkið? starfsmenn í tollinum?  þá þarf að bæta núna við 10 til 15 mans í vinnu því það verður örtröð manna að kanna hver er endurgreiðsla af bílunum sínum og tala ég ekki um bílaumboðin að kanna hvað lagerinn þeirra (hundruðabíla) er verðmætur til endurgreiðslu, ef þessi vinna færi í umboðinn þá er sama staðan þar og ég er hræddur um að það verði tekjulind fyrir umboðin að svara þessum fyrirspurnum frá viðskiptavinum, mín hugsun er eitt gjald fyrir hverja byrjaða miljón af söluverði sem rýrnar á 36-60 mánuðum eftir verðgyldi. Enn það er smahvernig útfærslan verður það þarf að hugsa um afgreiðsluna að hún takai ekki vikur í afgreiðslu.  

Gangi ykkur vel.

kv. jberg