UVG krefjist afsökunarbeiðni af formanni sínum

Ung vinstri græn skora á Pál Magnússon að biðjast afsökunar á að hafa hótað G. Pétri með lögfræðingum fyrir að fyrrum fréttamaðurinn braut trúnað við fréttastofuna og viðmælanda sinn. Óskiljanleg afstaða ungliðanna til þessa siðferðis- og trúnaðarbrests sem fréttamaðurinn sýndi.

Skildu UVG ekki hafa horft á fréttinna af formanni sínum Steingrími J. Sigfússyni þar sem hann sýndi þinginu algjöra lítilsvirðingu með framkomu sinni í garð tveggja ráðherra með ógnandi tilburðum sínum. Fyrst veittist hann að Birni Bjarnasyni þar sem hann flutti mál sitt úr ræðustól Alþingis og bjuggust ýmsir viðstaddir við að formaðurinn myndi að ráðast á hann. Hann sleppti því reyndar en snéri sér þess í stað að formanni Sjálfstæðisflokksins og danglaði í öxlina á honum. Það yrði undarlegt þinghaldið ef fleiri höguðu sér með þessum hætti. 

Hvað ætli að UVG hefðu sagt ef þessu hefði verið öfugt farið? UVG ætti að líta sér nær og álykta um afsökunarbeiðni  formanns VG í stað þess að skrifa upp á ófagmannleg vinnubrögð G. Péturs sem hefur með þessu niðurlægt starfsheitið blaðamaður. 

Athugasemdir

[Guðmundur Sigurðsson (IP-tala skráð) 27.11.2008 kl. 01:33]

Talandi um siðferðisbresti, hvað finnst þér um seðlabankastjórann?

Hvað finnst þér um siðferði forsætisráðherra í samskiptum við G. Pétur?

Hvað finnst þér um siðferði fjármálaráðherra?

Hvað finnst þér um að yfirvöld lofi og ljúgi fram í hið óendanlega?

Hvort finnst þér alvarlega, fram koma forsætisráðherra þjóðarinar eða uppljóstrun G. Péturs?

[Heiðrún (IP-tala skráð) 27.11.2008 kl. 03:49]

Orð eins og trúnaður við viðmælanda, bankaleynd og fleiri þessu lík eru ágæt í siðuðum samfélögum.  En nú er stund sannleikans runnin upp.  Það hefur lengi verið talað um að Geir Haarde vilji stjórna viðtölum við sig frá A-Ö.  Hann stendur í þeirri trú að hann sem forætisráðherra geti ritskoðað viðtöl við sig og ákveðið sjálfur hvaða spurningar hann fær. Enginn hefur getað sannað þetta fyrr en nú.  Þegar spillingin nær að fela sig endalaust á bak við fyrrnefnd orð hættir samfélagið að vera siðað og spillingin grasserar.  Þetta er svona svipað og með bankaleyndina.  Þrátt fyrir að þjóðargjaldþrot halda ákveðnir menn áfram að vinna illvirki innan bankanna og bera fyrir sig bankaleynd.

 Hvað varðar Steingrím J þá myndi ég seint kjósa hann en ég skildi hann mjög vel þegar hann missti stjórn á sér í þingsal.  Björn Bjarnason var að ljúga upp á hann.  Steingrímur hefur mótmælt því að Björn Bjarnason fái að ákveða hverjir  rannsaki  bankahrunið. Hann vill að óháðir erlendir aðilar rannsaki málið.  Burt með gjörspillta menn eins og Björn Bjarnason úr íslenskum stjórnmálum.  Nei sjálfstæðismenn, þið fáið ekki að rannsaka ykkur sjálfa. Nei takk.

Ég vona að þið sjálfstæðismenn notið tækifærið núna og opinberið spillinguna í flokknum í staðinn fyrir að breiða yfir hana.

Ég trúi því að þú sért heiðarlegur maður.  Stattu upp fyrir sannleikann á Íslandi og hættu að verja flokksbræður bara af því að þeir eru flokksbræður.

[Sigurður Þórðarson, 27.11.2008 kl. 05:21]

Ármann, viðtalið  sem starfsmaður Vegagerðarinnar tók við Geir Haarde var forsætisráðherranum alls ekki til vansa, þvert á móti sýndi Geir mikla stillingu þrátt fyrir yfirgang og æsing blaðafulltrúa Vegagerðar ríkisins, sem vill taka upp evru.

ps.

Mér finnnst að PM ætti að sjá í gegn um fingur við blaðafulltrúa Vegagerðarinnar sem er þjakaður af verkefnaleysi, enda fáar nýjar vegaframkvæmdir í kreppunni.

[Haraldur Hansson, 27.11.2008 kl. 09:53]

Steingrímur Joð stoppaði við ræðupúltið og starði á dómsmálaráðherrann.

Nú þegar ekkert er að gerast í samfélaginu, algjör gúrkutíð, þá verða menn að finna sér eitthvað að skrifa um. Stóra störumálið er ekki verra en hvað annað.

[Magnús Guðjónsson, 27.11.2008 kl. 10:50]

Hvernig væri nú að menn eins og þú Ármann færuð að skoða málin frá fleirum en einni hlið. Stjórnvöld hafa sagt þjóð sinni marg oft ósatt og í þessu tilfelli trúi ég því að Björn hafi gert það líka, ríkisstjórnin hefur viljað tefja fyrir málinu með alskonar slaufum og útúrsnúningum samanber þá aðila sem settir voru til að skoða málið og rannsaka í upphafi en féllu svo frá því af augljósum ástæðum en ráðamenn báru fullt traust til þeirra þótt þeir væru að fara yfir mál sona sinna. Þetta er ótrúverðugt og menn sem vinna svona ávinna sér ekki traust hins venjulega manns. Þetta er mín skoðun

Kveðja

Magnús

[Alli (IP-tala skráð) 27.11.2008 kl. 15:24]

....braut trúnað við fréttastofuna og viðmælanda sinn.

Var G. Pétur búinn að lofa geir einhverju? Það kom ekki fram á því videoi sem ég sá.

Varðandi Björn Bjarnason.  Þar fer sennilega siðspilltasti stjórnmálamaður seinni ára, fyrir utan kannski Árna Johnsen og Sverrir Hermannsson.  Birni fannst ekkert athugavert með að vera með puttana í símhlerunarmálinu sem faðir hans tók þátt í.  Honum finnst ekkert að því að ráða vini og vandamenn í stöður dómara.  Ég skil vel að Steingrímur hafi reiðst við að heyra logið upp á sig.

Bið að heilsa Hinum Eilífa Leiðtoga Kim Il Oddsson.

[Baldur (IP-tala skráð) 27.11.2008 kl. 15:31]

Steingrímur J er ofstækismaður, maður án lausna.  Vinstri menn eru hættilegir í þessu ástandi.  Lausnir þeirra eru að beita ofbeldi til þess að ná fram sínu.  Álfheiður stendur með mótmælendum fyrir framan lögreglustöðina og sakar lögreglu um hrottaskap þegar RÁÐIST er inn á stöðina.  Er þetta fólk hæft til starfa?  Maður trúir flestu uppá þessa vinstri öfgamenn og vona ég að það gerist aldrei að fólk eins og Álfheiður og t.d Kolbrún komist til valda. 

Auðvitað er ástandið slæmt, en að hvetja til ofbeldis og grípa til þess er óafsakanlegt.  Ég vil sjá þessari Álfheiði t.d vikið frá störfum, hún á að skammast sín.

[Sigurður Þórðarson, 27.11.2008 kl. 16:20]

Er mönnum eitthvað heitt í hamsi?

Hver átti að vera uppljóstrunin sem var fólgin í þessu myndbandi?  Á þetta myndband að sýna að Geir sé dónalegur, svari út í hött, eða missi stjórn á skapi sínu?  Ég er ekki á sama stað og Geir í pólitík en það breytir ekki því að mér finnst hann bæði geðugur og kurteis. Það er örugglega hægt að koma honum úr jafnvægi eins og öðru fólki en til þess þarf umtalsverða fyrirhöfn og ókurteisi.

[Guðbergur Egill Eyjólfsson (IP-tala skráð) 27.11.2008 kl. 16:41]

Þessi pistill minnir mig á svona unglinga rifrildi í morfís keppni. Hvað kemur það ályktun uvg við að Steingrímur J hafi danglað í Geir. Þetta eru tvö óskyld mál. Nenni ekki að eiða fleiri orðum í þetta.

[Maron Bergmann (IP-tala skráð) 27.11.2008 kl. 18:52]

Ef einhver skuldar afsökun eru það a.m.k. Geir H. Haarde og Davíð Oddsson sem sitja uppi í sínum fílabeinsturnum og láta sig engu skipta þær gríðarlegu þrengingar sem þeir hafa kallað yfir þjóðina. 

Steingrímur J. stendur þó allavegan í lappirnar gagnvart þeim hroka og dónaskap sem þessir menn sýna af sér.

[Hreinn (IP-tala skráð) 27.11.2008 kl. 21:33]

Sammála Ármann. Ekki láta neikvæða vinstrimenn trufla þig. Vinstrimenn eru þekktir fyrir að vera fúlir á móti, nöldrarar af Guðs náð sem hafa aldrei lausnir á reiðum höndum. Þeir virðast alltaf vita hvað þeir vilja ekki en eru svo reknir á gat þegar þeir eru beðnir um lausnir.

[Valdimar Guðjónsson (IP-tala skráð) 27.11.2008 kl. 21:58]

Sumir fréttamenn vinna því miður vinnuna sína litaðir.  Litaðir af ákveðinni skoðun gagnvart persónum og jafnvel stjórnmálaflokkum.    Hér er dæmi um slíkt og þessi fyrrverandi fréttamaður  starfaði þannig. Svör hans við þessari athugasemd fyrrverandi vinnuveitanda sanna það.    Reynir að slá sig til riddara í núverandi ástandi þjóðfélagsins með því að svara í hálfkæringi.

Annaðhvort gildir trúnaður  við viðmælanda og hvernig hann gengur frá frétt eða ekki.     Það að viðkomandi sjái eftir að hafa gengið frá frétt á ákveðinn hátt er síðan annað mál.   Menn eiga það við sjálfan sig ef þeim finnst þeir hafa verið of  linir.   Slíkt geta menn rakið í æviminningum sínum.  Hvernig væri hinsvegar ef gamlir fréttmenn tækju að iðka þetta upp til hópa?

Sumum tekst þetta.   Ómar Ragnarsson hafði sterkar skoðanir og enn sterkari í dag.  Honum tókst samt alltaf að vinna fréttir á sanngjarnan hátt að mínu mati. Jafnvel um umdeild mál.