Íslandsvafningar

Stjórnendur gömlu bankanna bera mikla ábyrgð á þeirri gífurlegu skuldsetningu sem þjóðin er í vegna svo kallaðrar krónubréfaútgáfu, sem nú veldur miklum erfiðleikum við fleytingu krónunnar. Það voru bankarnir sem höndluðu með afurðina gagnavart erlendum bönkum sem voru síðan milliliðir gagnvart sínum umbjóðendum. Í kjölfarið þurfti að koma  miklu lánsfjármagni hér heima í umferð og þess vegna voru freistandi lánapakkar settir á markað og skuldsetning heimila og fyrirtækja óx og óx. Bankarnir fengu sín umboðslaun, allir fengu lán og veislan virtist ekki geta tekið enda. 

Þetta voru okkar vafningar. Bankarnir okkar hrósuðu sér af því að hafa ekki fjárfest í fasteignavafningum í Bandaríkjunum. Þeir virtust hins vegar ekki átta sig á því að þeir voru að búa til svipað ástand með Íslandsvafningum hérna heima. Þ.e.a.s að lána langt umfram það sem þjóðin, lántakendur, gátu staðið undir. Sama og gerðist með fasteignalánin í USA.

Ég sem hélt að bankaviðskipti væru í raun með einföldustu viðskiptum sem hægt væri að stunda þar sem peningar væru lánaðir með þeirri vissu að þeir fengjust greiddir til baka með sanngjörnu álagi.

Einhversstaðar gerðist eitthvað á leiðinni þar sem aðalmálið var að koma út peningum án þess að vissa væri fyrir því að þeir fengjust greiddir til baka. Í slíku ástandi verða til bólur sem springa. Þeir sem blésu bólurnar áttu að heita okkar bestu sérfræðingar í bankaviðskiptum. Þeir geta ekki kennt öðrum um eins og Fjármálaeftirlitinu eða Seðlabankanum.

Nú er sá tími kominn að þeir þurfi að svara fyrir gjörðir sínar. Ekki aðeins almennt um hvers vegna lánum var dælt út eins og raun ber vitni, heldur líka fyrir einstaka gjörninga eins og lán til eigin nota, ráðstöfun peningamarkaðssjóða, fáránlega háa lánveitingu til einstakra aðila og margt fleira í þeim dúr.

Hvað varð um almenna skynsemi?

Es. Þessi pistill er ekki skrifaður til varnar Seðlabankanum eins og sjá má í eldri pistlum á bloggi þessu.    

 

Athugasemdir

[Einar Áskelsson (IP-tala skráð) 30.11.2008 kl. 13:00]

Hugtakið FÍKN er það sem mér datt eftir lesturinn.   Fíklar eru sérfræðingar í afneitun með ruglaða dómgreind og stjórnast ekki af almennri skynsemi.  Þeir halda áfram "neyslu" fram í rauðan dauðann.  Ef peningurinn er búinn eru allar leiðir reyndar til afla sér fjár.  Jafnvel stelast í budduna hjá öðrum - í góðri trú og ætla sér að borga til baka.  Var þeim sjálfrátt?  Líklegast ekki.  Firrir það þeim ábyrgð?  Nei.  Leiðin til baka er ekki sú að benda sífellt á "mömmu" og "pabba" og segja að þau voru vond við okkur og leyfðu okkur ekki að leika.  Fyrsta skrefið er að viðurkenna vandann.  Við erum líklegast ekki komin lengra. 

[haraldurhar, 30.11.2008 kl. 16:19]

   Ármann þú veist mætavel að grunnrótinn er olli þessum hörmungum okkar er stjórn peningamála þóðarinnar.  Það að hafa okur stýrivexti, og megin hluti fjárfestinga okkar byggðist á vaxtamun, viðskiptahalli í hæstu hæðum, fjáraustur ríkistjóðs með stigvaxandi sköttum.  Stjórnarhættir þín flokks er fór fyrir í vitleysunni með einkavinavæðingu niðurlagningu Þjóðhagstofnunar, og pólitískri skipun bankastjóra Seðlabankans er hefur sýnt með störfum sínum að enga burði né kunnáttu til að gegna þeirri stöðu.  

   Það verður að teljast aumt af þér og öðrum flokkssystkynum þínu að hafa enga burði til að horfa framan í raunveruleikan, og taka þær ákvarðanir er allir sjá að eru nauðsynlegar. Það hefur verið dapur hlutskipti að horfa á þig sem aðra alþingismenn, ýta á hnappinn í alþingishúsinu,  í setingu laga að næturþeli, er eiga sér enga stoð í lögum, hvorki her ne erlendis, þið þingmenn stjálfstæðis flokksins toppuðu ykkur sjálfa í vitleysunni, er þig ýttuð á hnappinn allir sem einn, við samþykkt laga um gjaldeyrishöftinn.  Þið eigið kannski von á að geta skipað einhverja flokksgæðina eða frændur í Innflutingsnefnd nauðsynjavara, Nefnd er fjallar um Áhafnagjaldeyrir.  Nýja Langlánanefnd. svo fátt eitt er upptalið. 

   Það að reyna færa ábyrgðina á hörmungum okkar  yfir á bankanna, getur ekki kallast annað en yfirklór ykkar stjórnmálamannanna.  Farið nú að viðurkenna hversu glámskyggir þið voruð, og látið ekki framkvæmdavaldið né flokkshollustu gera ykkur að aðhlátursefni æ ofan í æ bæði her heima og erlendis.

[Guðmundur Pálsson (IP-tala skráð) 30.11.2008 kl. 17:50]

Bankarnir eru eins og amfetamínneytendur.  Eins og sjá má í fréttum undanfarið eru þeir ekki farnir í meðferð.

 Þjóðin var ekki í afetamínunu. Hún fékk péniníng lánaðann upp á það að geta greitt það aftur því hún vissi ekki betur en að ástandið mundi haldast óbreytt.  Hvað sagði Vilhjálmur Egilsson? En svo var logið að þjóðinni:  Allt verður gott! Aðallygarar: Sjálfstæðismenn.  Aðrir lygarar: Framsóknarmenn og Samfylking.

[Benedikt Sigurðarson, 30.11.2008 kl. 21:25]

Hef trú á að þú sért fær um að glíma við raunveruleg úrlausnarefni.  um mikilvægi þess að meðan við björgum okkur út í verðtryggða ISK hagkerfinu leyfi ég mér að vísa á blogg mitt í dag;

Frystum verðtryggingarvísitöluna strax og áður en óafturkræft stórslys verður

http://blogg.visir.is/bensi

[Bjarni Kjartansson, 1.12.2008 kl. 10:13]

Rótin er sú sama.

Græðgin, sem elur af sér Lygina.

Þegar ég varaði við útgáfu af þessu tagi, var ég úthrópaður sem afturhald og óvinur frelsisins.

Ég maldaði í móinn og taldi ofur,,frelsi" eins geta hæglega orðið helsi annars og lagst líkt og myllusteinn á framfarir innanlands.

Það kom fram með rentu.

Verðtryggingin er glæpur, ef ekki væri fyrir annað en, að sá sem mest græðir á hækkun vísitölu, eru þeir sem Ráða gengi og öðrum faktorum,s em hafa BEIN þahrif á Vísitöluna og hafa því ÖLL ráð okkar í hendi ´ser.

Lygin í ,,Aðilum vinnumarkaðarins" um lífeyrissjóði og þörf á verðtryggingu ætti nú að vera öllum ljós, eftir hrunið og uræðuna um hversu STÓR hluti væru í erlendri fjárfestingu bæaði beint og óbeint.

Miðbæjaríhaldið

[Sigurður Þórðarson, 1.12.2008 kl. 10:44]

Háir stýrivextir voru hvati. Einir og sér unnu þeir mikið skemmdarverk og ásamt þenslufjárlögum voru þeir eitruð blanda.

Ísland þarf ábyrgari menn  til forystu.

p.s.

Til hamingju með daginn